Banksake: Vroue dra die broek

Dinsdag, April 12th, 2016

Eugene Brink

 

Suid-Afrikaanse vroue spaar meer aan bankgelde as hul manlike eweknieë deur met ’n kaart vir aankope te betaal, geld by kleinhandelaars in plaas van OTM’s te trek en minder by takke te bank. Daar moet egter nog baie gedoen word om goeie banktransaksiegedrag by almal vas te lê.

“In die algemeen lê vroue dwarsoor ons tjekdatabasis beter bankgedrag aan die dag as mans,” sê Rya-Mari Muller, hoof van kliëntwaardebestuur by ENB. “Dit beteken hulle spaar aan bankgelde, tyd in toue en reiskoste.”

Vroue doen 41% van hul besteding deur hul kaarte te gebruik, vergeleke met net 31% van mans se totale besteding.

Vroue wys ook hul geldslimheid as hulle kontant vir kassieropsies gebruik, met 4% van vroue wat geld uitgee wat by kleinhandelaars getrek is vergeleke met 2,5% vir mans.

“Hoewel ons kliënte aanmoedig om elektroniese middele te gebruik waar hulle kan, verstaan ons ook dat daar tye kom wanneer kontant nodig is, veral vir kleiner uitgawes soos om vir parkering te betaal en kinders se snoepiegeld,” sê Muller.

OTM-onttrekkings bly egter hoog. Mans is die grootste gebruikers van OTM’e met ’n allemintige 65,5% besteding aan kontantonttrekking, teenoor vroue se 55%.

“Hoewel vroue minder geneigd is om OTM’e te gebruik as mans, maak dit steeds ’n baie hoë persentasie van totale besteding uit,” sê Muller.

Data toon ook dat vroue minder tyd aan transaksies by takke bestee.

“Enige transaksie by ’n tak is duur. Aangesien die meeste transaksies deur ons digitale platforms gedoen kan word, moet tyd by takke tot die minimum beperk word ten einde bankkoste te spaar.”

Een van die ander groot voordele van die gebruik van digitale platforms vir bankdoeleindes, is die tyd en geld wat mens spaar aan reis na die bank en die feit dat kliënte te enige tyd en op enige plek kan bank.

“Daar moet nog baie gedoen word om beter bankgedrag oor die hele kliëntebasis aan te moedig.”

Die 2015 Brookings Financial and Digital Inclusion Project (FDIP) Report and Scorecard, wat digitale en finansiële dienste in 21 lande meet, het getoon dat vroue Suid-Afrika, anders as in baie ander lande, nie disproporsioneel van formele finansiële dienste uitgesluit is nie. Ewe veel mans en vroue in Suid-Afrika (69%) het rekeninge by ‘n formele finansiële of mobiele geldverskaffer.

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161