Balanseer skuld en spaargeld

Dinsdag, Mei 10th, 2016

Phillip Kassel

 

 

Skuld is een van die grootste struikelblokke op die spaarpad. Die tradisionele raad is om jou skuld af te betaal en dan te begin spaar, maar is dit altyd die beste raad?

 

Afbetaling van jou persoonlike lenings

As dit kom by korttermynskuld soos kredietkaarte, winkelkaarte en persoonlike lenings teen ’n hoë rentekoers, waarborg vinnige afbetaling effektief ’n opbrengs van 17% want dit is wat jy aan rente sou betaal het. Daar is geen belegging wat vir jou daardie opbrengs kan waarborg nie.

Hierdie strategie werk egter net as jy daardie kredietlyne toemaak. As jy voortdurend meer duur skuld maak wat jy afbetaal met geld wat jy moes gespaar het, sal jy nooit langtermynrykdom kan opbou nie.

 

Geld vir noodgevalle

Hoewel mens behoort te fokus op die afbetaling van duur korttermynskuld, moet jy ook ’n noodfonds opbou sodat jy nie gedwing word om skuld te maak nie vir ’n noodgeval soos ’n motorongeluk, gebarste warmwatersilinder of mediese rekenings wat nie deur jou mediese skema gedek word nie.

Terwyl jy jou korttermynskuld afbetaal, moet jy ook geld in ’n noodfonds sit totdat jy minstens R10 000 opgebou het. Jou langertermyn-teiken is ’n noodfonds gelyk aan minstens drie tot ses maande se maandelikse uitgawes. Jy kan bonusse en belastingafslag gebruik om te help om dit te bereik.

 

Moet mens jou verband afbetaal of spaar vir aftrede?

Dit maak nie noodwendig finansiële sin om in die geval van langtermynskuld spaar uit te stel ten gunste daarvan om jou verband af te betaal nie aangesien die belastingkoers op sodanige skuld laer is as die groei op beleggings. Byvoorbeeld, as jou verbandterugbetaling 9% is en jou beleggings gee ’n groei van 11%, sal daardie bykomende 2% met verloop van tyd saamgestel ’n beduidende uitwerking op jou uiteindelike enkelbedrag hê.

 

Bron: Liberty

Ander Artikels

Skop vas en moenie onnodig koop nie
Anja van den Berg   Alles rakende jou supermark is bedoel om jou geld te laat bestee wat jy nie beplan het om te bestee nie, en selfs geld wat jy nie regtig hoef te bestee nie. Hoewel die meeste mense aan produkte dink in terme van die funksionele eienskappe daarvan – die instrumentele waarde […]
Agterbakse supermarktaktieke om jou onnodige goed te laat koop
Anja van den Berg   Het jy al ooit aanvaar dat iets ʼn winskoop is net omdat die prys in rooi geskryf is? Of besluit om daardie duur handsak of aktetas te koop omdat jy daarvan oortuig was dat jy dit verdien? Of ʼn hand vol ongesonde snoepgoed van die impulsrak gegryp terwyl jy toustaan […]
OTM-kaartruilslenters neem toe: Let op hiervoor!
Die Suid-Afrikaanse Bankrisiko-inligtingsentrum (Sabric) waarsku die publiek om op die uitkyk te wees te midde van die hoë voorkoms van OTM-kaartbedrog in die land. Die groep het gewaarsku dat daar weer ʼn “kaartruil”-skelmstreek in Suid-Afrika voorkom en ʼn uiteensetting van die betrokke skelms se modus operandi gegee om die publiek teen hul metodes te waarsku. […]
1 2 3 152