Wat is ʼn ‘krediettelling’?

Maandag, Augustus 22nd, 2016

Baie kredietburo’s en kredietverskaffers som die inligting in jou kredietprofiel op om by ʼn krediettelling uit te kom met gebruik van ʼn “tellingkaart”. Elke tellingkaart is uniek en sal ʼn verskillende telling oplewer, maar aangesien hulle almal gegrond is op jou kredietprofiel wat dieselfde is, sal die resultate min of meer vergelykbaar wees.

Kredietverskaffers kan hierdie telling gebruik om te bepaal hoe riskant dit mag wees om krediet aan jou toe te staan. Hoe hoër jou telling, hoe beter jou kredietkapasiteit, en hoe laer jou waargenome kredietrisiko.

Die krediettelling word afgelei deur jou krediet-aktiwiteit te assesseer. Dit beteken daar moet voldoende krediet-aktiwiteit wees om ʼn krediettelling te kan aflei. Sommige mense is verras om te vind dat, omdat hulle altyd kontant vir alles betaal het, hulle nie ʼn krediettelling het nie – of ʼn baie lae telling het – en nie vir ʼn lening mag kwalifiseer nie. Dit is omdat, sonder ʼn paar kredietrekenings, daar geen rekord van kredietgedrag is nie. Baie leners wil graag sien dat ʼn applikant ietwat ervaring het in die hantering van skuld.

Ideaal gesproke wil jy nie afhanklik van krediet wees nie, maar om ʼn paar kredietrekenings te hê wat goed bestuur word – dit wil sê, bekostigbaar is en betyds betaal word – sal jou krediettelling verbeter.

Soos hierbo aangedui, gebruik elke kredietburo of kredietverskaffer hul eie tellingkaartformule om hulle krediettelling te bereken, en neem ʼn paar aspekte in ag, wat herskep word tot ʼn model om kredietversuim te voorspel. Oor die algemeen kan die volgende faktore oorweeg word:

  • Die aantal onlangse kredietnavrae (dit wil sê, soek jy rond vir baie krediet?).
  • Hoe lank die aktiewe rekenings in gebruik is, en of hulle goed bestuur word.
  • Die ratio van uitstaande saldo’s tot kredietfasiliteitlimiete.
  • Die aard van kredietrekenings – byvoorbeeld buitensporige lenings vir verbruikersbesteding (soos kleinhandelrekenings, kredietkaarte en korttermyn persoonlike lenings) word oor die algemeen minder wenslik beskou as om te leen om bate-aankope te finansier (voertuigfinansiering, verbande).
  • Enige negatiewe betalingsgedrag – betalings oorgeslaan, laat betalings of betalingsversuim.
  • Ongunstige lysting, hofuitsprake, ens.

 

Hou dit gesond

Om jou krediettelling gesond te hou, is die volgende belangrik:

  • Beperk die omvang van die kredietafhanklikheid – veral krediet vir verbruikersbesteding. Te veel krediet kan ʼn negatiewe impak op jou profiel hê.
  • Betaal altyd die vereiste bedrag binne die gespesifiseerde tyd. Moenie betalings oorslaan nie – selfs al betaal jy die volgende maand dubbeld, sal dit jou profiel nadelig affekteer.
  • Moenie jou kaarte tot die maksimum gebruik nie – bly weg van jou maksimum kredietlimiet.
  • Maak seker aansoeke word akkuraat voltooi om inligtingfoute te voorkom.
  • Jy is geregtig op een gratis kredietkontrole per jaar; maak seker jy doen dit deur een van die kredietburo’s om vir foute na te gaan – en laat hulle dan korrigeer.

Dit is belangrik om ʼn gesonde krediettelling te hê om te verseker dat jy suksesvol vir krediet aansoek kan doen wanneer jy dit benodig. Behoorlike finansiële bestuur en goeie betalingsgedrag kan lei tot ʼn goeie krediettelling – en die vermoë om met vertroue vir huisleningfinansiering aansoek te doen.

 

 

Bron: SA Home Loans

 

Ander Artikels

Afdwing van verbruikersregte deur die howe: Gebruik eers ander remedies
Justine Krige   Artikel 69 van die Wet op Verbruikersbeskerming (Wet 68 van 2008 [CPA]) sit ʼn verskeidenheid statutêre remedies uiteen vir die afdwing van verbruikersregte ingevolge die CPA. Dit sluit in die indien van ʼn klagte by die Nasionale Verbruikerskommissie (Kommissie), die verwysing van ʼn dispuut na die Verbruikerstribunaal (Tribunaal), of om ʼn bedryfsombudsman […]
Wie mag waar parkeer in ʼn meenthuiskompleks?
Vraag: “In die deeltitelskema waar ek woon is daar ʼn konstante gebaklei en gestry oor wie waar mag parkeer en wie verantwoordelik is vir die instandhouding van parkeerplekke. My vraag is: wie besluit watter dele van die skema vir parkeerplekke toegeken word, wie dit mag gebruik en wie dit moet in stand hou?” Antwoord: Wat […]
Moenie vanjaar val vir hierdie belastingslenters nie
Lede van die publiek ontvang dikwels ewekansig vals e-posse wat nagemaak is om te lyk asof hulle deur die SAID gestuur is, maar wat in der waarheid vals e-posse is wat daarop gemik is om niksvermoedende belastingbetalers uit te lok om persoonlike inligting, soos bankrekeningbesonderhede, te onthul. Voorbeelde sluit in e-posse wat skyn afkomstig te […]
1 2 3 150