Moet almal munisipale belasting betaal, of nie?

Donderdag, Mei 26th, 2016

Muhammad Ziyaad Gattoo

 

 

Moet daar ’n redelike verhouding wees tussen die dienste wat ’n munisipaliteit lewer en die belasting wat hy hef?

Hierdie vraag is deur die appèlhof oorweeg in die saak van Blair Atholl Homeowners Association vs The City of Tshwane Metropolitan Municipality (20634/2014)[2015]ZASCA 195 (1December 2015).

Die appèlhof het die argument verwerp dat die belastingbetalers van die Blair Atholl Estate, wat sy eie dienste (gewoonlik verskaf deur die Stad Tshwane Metropolitaanse Munisipaliteit) geïnstalleer het en in stand hou, vrygestel moet word van of afslag of ’n verlaging toegestaan moet word op die belasting op hul eiendomme.

In hierdie verband is dit belangrik om daarop te let dat belasting eiendomsbelasting is. Dit word opgelê aan alle belasbare eiendomme in ’n munisipaliteit en word nie verbind met die voorsiening van dienste nie. Belasting word gehef volgens die waarde van eiendom om die bedryfskoste van ’n munisipaliteit te dek en om sy doelstellings soos in a152(1) van die Grondwet uiteengesit word, te verwesenlik. Artikel 229(1)(a) van die Grondwet onderskei tussen belasting en bobelating, met bobelasting wat vir die verskaffing van dienste deur ’n munisipaliteit opgelê word.

Die appellante het hul argument gebaseer op die veronderstelling dat daar ’n redelike verhouding moet wees tussen die dienste wat ’n munisipaliteit aan sy belastingbetalers lewer en die belasting wat daardie belastingbetalers moet betaal. Die appèlhof het die appellante se aansoek op grond van die verduideliking hierbo van belasting en bobelasting van die hand gewys.

Solank ’n munisipaliteit se belastingbeleid in ooreenstemming is met die Grondwet en die Wet op Plaaslike Regering: Munisipale Eiendomsbelasting (Wet 6 van 2004) is daardie munisipaliteit daarop geregtig om belasting op eiendom binne sy gebied te hef, ongeag of die bewoners van daardie eiendomme gemeenskaplike dienste soos biblioteke of openbare oop ruimtes het wat deur die munisipaliteit verskaf word.

 

Bron: Cliffe Dekker Hofmeyr

 

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161