4 van die algemeenste motorversekering-slenters

Woensdag, Oktober 28th, 2015

Wat mense nie vir geld sal doen nie! Jy sal nie glo wat sommige bestuurders aanvang in ʼn poging om hulle motorvoertuigversekeringspolis vir al wat dit werd is te melk nie. Kom ons kyk na vier van die algemeenste motorvoertuigversekering-slenters.

 

Die ‘swenk-aksie’

Daar is ʼn wet waarvolgens, ongeag die omstandighede, indien ʼn bestuurder die motor voor hom stamp, hy/sy die een is wat aanspreeklik is. Swendelaars trek dikwels voordeel uit hierdie feit deur ʼn taktiek wat ons die “swenk-aksie” sal noem, te gebruik in ʼn poging om uitbetaling van die versekering te kry. Die swendelaar let op na waar daar klein gapinkies in die verkeer is, en nadat hy op sy ongelukkige prooi besluit het, swenk hy in daardie baan in, wat dit vir die ander bestuurder feitlik onmoontlik maak om te stop en ʼn botsing te vermy. Om seker te maak dat dit nooit met jou gebeur nie, sorg dat jy altyd ʼn goeie volg-afstand tussen jou en ander voertuie handhaaf.

 

Die ‘tref-en-trap’

Dit word nou en dan met opset gedoen en soms in ʼn poging om toe te smeer wat werklik tydens ʼn ongeluk gebeur het. Die “tref-en-trap” vind plaas wanneer ʼn bestuurder sy/haar voertuig beskadig en dan beweer dat die ongeluk deur ʼn ander voertuig veroorsaak is wat daarna die hasepad gekies het. Tensy daar CCTV-kameras ten tye van die ongeluk in die gebied gefunksioneer het, kan dit baie moeilik wees om hierdie bewering te staaf. Die bestuurder kan egter van bedrog aangekla word indien en wanneer dit as vals bewys kan word.

 

Die ‘in-waai’

Ons is dikwels dankbaar teenoor hoflike bestuurders wat ons toelaat om in ʼn baan in te skuif of om ʼn besige straat oor te steek wanneer verkeer swaar is. Ongelukkig doen sommige swendelaars dit egter in ʼn poging om ʼn ongeluk te veroorsaak en versekeringsgeld te bekom, deur te beweer dat hulle jou nie in die eerste plek ‘ingewaai’ het nie. Die ongeluk word dan jou skuld en jy is genoodsaak om van jou motorvoertuigversekeraar te eis om vir die skade aan jou motor en die swendelaar s’n te betaal.

 

Die ‘sydelingse botsing’

Wees versigtig wanneer daar twee bane op ʼn draai is. ʼn Swendelaar mag in hierdie situasie doelbewus in jou baan “indryf”, wat tot ʼn sydelingse botsing lei. Die swendelaar sal dan volhou dat dit jy was wat “ingedryf” het, en aangesien dit moeilik is om enige kant toe te die feite vas te stel, kan hy/sy op die ou einde die versekering se uitbetaling ontvang.

 

Bron: King Price Versekering

Ander Artikels

Art. 11(a) van die Wet op Inkomstebelasting en die aftrekbaarheid van renteonkoste op huislenings
Louis Botha     Op 13 Desember 2016 het die belastinghof in Kaapstad uitspraak gelewer in X v The Commissioner for the South African Revenue Service (saak no. 13791 & 13792, nog nie gerapporteer nie). Die saak het gehandel oor ʼn interessante vraagstuk, naamlik of uitgawes wat aan ʼn huislening aangegaan word om ʼn rente-inkomste […]
Huurverbeteringe: Mag ek vat of moet ek los?
Vraag: “Ons huur nou al vir ʼn paar jaar ʼn huis. Ek en my vrou het heelwat verbeterings aan die huis en tuin aangebring. Ek word nou verplaas en moet verhuis, maar wonder nou wat word van al die verbeterings aan die huurperseel. Mag ons dit saamneem of moet die verhuurder ons vergoed daarvoor?”   […]
Die beste wenke om jou huurdeposito terug te kry
Huurders in Suid-Afrika betaal tans enigiets tussen een en drie maande se huur as skadedeposito ─ maar is dikwels onseker van wat om te doen as hul huurkontrak verval. “Hoewel deposito’s dikwels gebruik word om huurwanbetaling of onbetaalde utiliteitsrekenings te dek, is hul hoofdoel om verhuurders teen skade aan die eiendom te dek,” sê Andrew […]
1 2 3 170